Papiamentu
Papiamentu
Brochure 1
Brochure 2
<<

Su apresiable señor/señora,

Bisa un kos, anto ke men un otro kos: esaki ta un realidat diaria pa hendenan ku tin afasia. Tur hende rònt mundu por haña afasia. Mas ku 5 mion hende tin afasia mundialmente.

Athunto bo ta haña un foyeto tokante afasia: un defisiensia den idioma okashoná pa un leshon selebral kaminda di un momentu pa otro, un hende no por papia, komprondé, lesa i skirbi mas.

Bo ta haña e foyeto aki kompletamente grátis opsekio di Association Internationale Aphasie. E asosashon aki tin komo meta pa informá hendenan den hinter mundu tokante e defisiensia drástiko akí den idioma.

Danki na e esfuerso di asosashonnan nashonal di afasia ku ta afiliá na e plataforma mundial aki i danki na apoyo di diferente Rotary clubs, tabata posibel ofresé bo e foyeto akí.
E foyeto aki tin komo meta, informá pashèntnan i nan famianan.
Nos ta supliká bo pa parti e foyeto akí den bo organisashon òf perkurá pa e haña un lugá apropiá pa para. Bo por pensa lugánan manera na departamento di neurología di un hospital, sentronan di revalidashon, sentronan di logopedia òf organisashonnan ku ta na interes di pashèntnan den bo pais.

Nos ta spera ku nos tabata na bo òrdu ku e informashon aki; nos ta spera speshalmente ku di e manera aki nos por yuda prevení ku hendenan ku tin afasia ta kai den un isolamentu soshal.
Ku gustu nos lo risibí bo reakshon i proposishonnan. Bo por tuma kontakto ku mi persona. (preferiblemente den ingles)

Association Internationale Aphasie

Señora Monique Lindhout.

made possible by Rotary